სააქციო საზოგადოება „ქართული ფოლადის“ დირექტორი ნათია ჯაყელი განცხადებასავრცელებს, რომელსაც „რეპორტიორი“ უცვლელად გთავაზობთ:
„ინა გუდავაძემ და მისმა გუნდმა რუსთავის მეტალურგიული ქარხნის თანამშრომლები აიძულეს, გამოსულიყვნენ და მცდარი ინფორმაცია მიეწოდებინათ საზოგადეობისთვის. იძულება მათი ხელწერაა- ასე აიძულებდნენ ამ ადამიანებს 2012 წლის ოქტომბრის არჩევნების წინ “ნაციონალური მოძრაობითვის” მიეცათ ხმა. მათ დღესაც იყენებენ, რათა მათი მეშვეობით, სახელმწიფო, სასამართლო და საზოგადოება დააშანტაჟონ. ინა გუდავაძემ და მისმა გუნდმა ბიუჯეტიდან 39 მილიონი მოიპარა და ახლა ასეთი მეთოდით ცდილობს თავის გადარჩენას, იარაღად კი ხალხს იყენებს! ეს სახელმწიფოს, სასამართლოს და საზოგადოების დაშანტაჟების უსუსური მცდელობაა. რადგან შპს „რუსთავის ფოლადის“ ქონება თებერვლიდანაა დაყადაღებული, რამდენიმე დღის წინ კი მხოლოდ წიდის გასხვისება აეკრძალათ, ეს აბსოლუტურად არ უშლის ხელს წარმოებაში მის გამოყენებას. ამ ფაქტის გამო ქარხნის პარალიზებაზე საუბარი ტყუილი და შანტაჟია! დღევანდელ აქციას რამდენიმე აქსესუარი აკლდა ვანო მერაბიშვილის, გიგი უგულავასა და გიორგი ვაშაძის მხარდამჭერი ან „ ჩვენ ერთი გუნდი ვართ“ პლაკატებით“- ნათქვამია „რეპორტიორისთვის“ გამოგზავნილ განცხადებასში.
