მახათას მთაზე, ივერიის ყოვლადწმინდა ღვთისმშობლის ხატის სახელობის მშენებარე ტაძარში ივერიის ღვთისმშობლის ხატი მიაბრძანეს. ხატი სპეციალურად დღევანდელი დღისათვის სიონიდან მიაბრძანეს.
ხატის მოლოცვა მორწმუნეებს წირვის განმავლობაში შეეძლებათ. იგი სპეციალურ სადგამზე საკურთხევლის წინ არის დაბრძანებული. ტაძარში საღმრთო ლიტურგიას გარდაბნისა და მარტყოფის ეპისკოპოსი გრიგოლი და ჭიათურისა და საჩხერის მიტროპოლიტი დანიელი ასრულებენ. 12:00 საათზე კი, ტაძარში სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მიბრძანდება და პარაკლისს გადაიხდის. ტაძარში ასევე ელოდებიან საქართველოს პრემიერ-მინისტრ ირაკლი ღარიბაშვილს.
ტაძრამდე მიმავალ გზაზე პოლიციის მიერ კორიდორია გაკეთებული. ტაძრის ტერიტორიაზე შესვლა სპეციალური საშვებით ხდება. მრევლს მხოლოდ შემოსაზღვრულ ადგილას შეუძლია დგომა.
მშენებარე ტაძარში თბილისის მერი დავით ნარმანიაც იმყოფება.
