სვეტიცხოვლის საკათედრო ტაძარში საღმრთო ლიტურგია მიმდინარეობს, რომელსაც საქართველოს კათოლიკოს-პატრიარქი, უწმინდესი და უნეტარესი ილია მეორე აღავლენს.

ტაძრის დღესასწაულთან დაკავშირებით უფლის კვართის ადგილი და მთლიანად ტაძარი ყვავილებით არის შემკული. ტაძარში მლოცველებისათვის სპეციალური ადგილებია შემოსაზღვრული, სადაც ისინი დგანან.

სვეტიცხოვლობასთან დაკავშირებით ქალაქში საზეიმო განწყობაა. ცენტრალურ ქუჩებში დახლები და სცენები იდგმება, გამოიფინება ხალხური რეწვის ნიმუშები, შემოდგომის ხილი და ტკბილეული. დღესვე მცხეთაში დღის ბოლომდე არაერთი სპორტული და გასართობი ღონისძიება მოეწყობა. დღის ბოლოს კი გაიმართება გალა-კონცერტი.