საქართველოს საპატრიარქო უარყოფს გავრცელებულ ინფორმაციას, თითქოს პატრიარქმა პაატა ბურჭულაძეს პრეზიდენტობის კანდიდატად კენჭისყრა შესთავაზა.

„რამდენიმე დღეა, მედიაში მუსირებს აზრი, თითქოს კათოლიკოს-პატრიარქმა, უწმინდესმა და უნეტარესმა, ილია მეორემ ბატონ პაატა ბურჭულაძეს პრეზიდენტობის კანდიდატად კენჭისყრა შესთავაზა და მხარდაჭერა აღუთქვა. ზოგიერთ გაზეთში კონკრეტული თარიღიც კი დასახელდა ამ მიზნით მის უწმინდესობასთან ბატონი პაატას „საიდუმლო შეხვედრისა“. ეს ინფორმაცია საერთოდ არის ყალბი და იგი სიმართლეს არ შეესაბამება. საქართველოს ეკლესია ყოველთვის იყო და იგი კვლავაც დარჩება ქვეყნის გამაერთიანებელ ძალად“, - აღნიშნულია განცხადებაში.