ცნობილი მსახიობის, ლალი ბადურაშვილის აზრით, სააკაშვილის ხელისუფლება მის შვილიშვილს, ნინი ბადურაშვილს სათანადოდ არ არ აფასებდა. ამის შესახებ მან ჟურნალ „გზასთან" ინტერვიუში განაცხადა. ჟურნალისტის კითხვას, რამდენად შეესაბამება სიმართლეს ნინი ბადურაშვილისა და იმ გუნდის პრეზიდენტის მეგობრობა, რომელიც მსახიობს არ მოსწონს, ბადურაშვილმა შემდეგი პასუხი გასცა:
„ნინი კარგი მომღერალია და ნებისმიერ მთავრობაში აღმოჩნდება ისეთი ვინმე, რომელსაც მისი შემოქმედება მოეწონება. სააკაშვილის ხელისუფლება ნინის სათანადოდ არ აფასებდა. შესანიშნავად ვიცით, იმ პერიოდში ვინ იყო მიჩნეული ნომერ პირველ მომღერლად. უთოც რომ ჩაგერთოთ, იქაც სოფო ნიჟარაძის ხმას გაიგონებდით. სამწუხაროდ, ჩემს შვილიშვილს ხშირად, სიმღერის საშუალებასაც კი არ აძლევდნენ, რაც ქალბატონი ნიჟარაძის დამსახურება იყო. ნინი კონფლიქტური გოგონა არ არის, ძალიან ბევრი მეგობარი ჰყავს, უბრალოდ, წლინახევრის ასაკიდან მღერის და ახლაც სიმღერა უნდა. რაც შეეხება პოლიტიკას, ეს მას საერთოდ არ აინტერესებს.
