სამების საკათედრო ტაძრის ახალგაზრდულ ცენტრში შეზღუდული შესაძლებლობის მქონე  თემო არაბიძისადმი მიძღვნილი საქველმოქმედო საღამო გაიმართა.

პოეტების საქველმოქმედო ჯგუფი „თბილი საღამო" თემო არაბიძის დასახმარებლად გაერთიანდა.

საღამოზე წარმოდგენილი იყო ახალგაზრდა პოეტების შემოქმედება.

თემო არაბიძე რამდენიმე წლის წინ მომხდარი ავარიის შედეგად ეტლს მიეჯაჭვა. ამჟამად მისი მდგომარეობა სტაბილურია, თუმცა მას ესაჭიროება ძვირადღირებული ოპერაცია. საღამოს ორგანიზატორები იმედოვნებენ, რომ თემო არაბიძისათვის საჭირო თანხის შეგროვებასა და მის დახმარებას შეძლებენ.