შინაგან საქმეთა სამინისტრომ პარლამენტში "საგზაო მოძრაობის შესახებ" კანონპროექტი წარადგინა. საქართველოს ტერიტორიაზე საგზაო მოძრაობასთან დაკავშირებული საკითხები სრულიად ახალი, ერთიანი კანონის ფარგლებში მოექცევა.
კანონპროექტი განსაზღვრავს საგზაო მოძრაობის ორგანიზებისა და უსაფრთხოების უზრუნველყოფის სამართლებრივ საფუძვლებს, საგზაო მოძრაობის უსაფრთხოების სფეროში სახელმწიფო პოლიტიკის ძირითად მიმართულებებს, ხელისუფლების ორგანოების უფლებამოსილებებს, საგზაო მოძრაობის წესებსა და პირობებს, ასევე საგზაო ნიშნებსა და საგზაო მონიშვნებს, საგზაო მოძრაობის მონაწილეთა უფლება- მოვალეობებს, სატრანსპორტო საშუალებათა მართვის უფლების მინიჭებისა და სატრანსპორტო საშუალებათა რეგისტრაციის ზოგად მოთხოვნებს.
კანონი საქართველოში მყოფ უცხო ქვეყნის მოქალაქეებსა და საქართველოს ტერიტორიაზე საერთაშორისო მოძრაობაში მყოფ სატრანსპორტო საშუალებებზეც გავრცელდება.
