რუსული ოპოზიციის ლიდერი ალექსეი ნავალნი თავისუფალია. მან წინასწარი დაკავების იზოლატორი უკვე დატოვა. მოსკოვის მერობის კანდიდატი საკუთარ სახლს მანამ დაუბრუნდება ვიდრე სასამართლოს მიერ მისთვის გამოტანილი ხუთწლიანი პატიმრობის განაჩენი კანონიერ ძალაში არ შევა.

ნავალნის პასპორტი დარბაზშივე დაუბრუნეს.

„მე არ ვარ ვინმეს ხელის ფისუნია ან ლეკვი, რომლის გადაგდებაც საარჩევნო პროცესიდან ადვილი იქნებოდა. მე ვიქნები ციხეში თუ გარეთ საარჩევნო კამპანია მაინც გაგრძელდება. ეს იქნება ბოიკოტის რეჟიმი თუ აგიტაცია ჯერ არ ვიცი", - განაცხადა სასამართლო სხდომის დასრულების შემდეგ დღეს დილით ალექსეი ნავალნიმ.

ნავალნის დაკავებას გუშინ საქართველოს პრეზიდენტი facebook-ის საშუალებით გამოეხმაურა.  სააკაშვილი მის დაკავებას უსამართლოდ მიიჩნევდა.