„პატრიოტთა ალიანსის" ლიდერი ირმა ინაშვილი ტელეკომპანია „მაესტროდან" წამოსულ ჟურნალისტებს „ობიექტივის" ეთერს უთმობს. აღნიშნულის შესახებ ინაშვილი facebook-ის პირად გვერდზე წერს:

„ობიექტივის" გამგეობის წევრებს ტელეფონით ვესაუბრე. სამწუხაროდ, საქართველოში არა ვარ. იდეა შევთავაზე - „მაესტროდან" წამოსული ჟურნალისტები მიიწვიონ და „ობიექტივის" საეთერო სივრცე დაუთმონ. დარწმუნებული ვარ, გამოჩნდება სპონსორი, რომელიც დააფინანსებს ჩვენი ნიჭიერი და ცნობილი კოლეგების პროექტებს. ეს სახსრები ჟურნალისტების შრომის ანაზღაურებისათვის გამოდგება. არც ერთი თეთრი არ უნდა „ობიექტივს". გაგვიხარდება, თუ მიიღებთ ამ შეთავაზებას. ცხოვრებაში ყველა ვმდგარვართ მსგავსი ეპიზოდის წინაშე. იცოდეთ, რომ მარტო არა ხართ", - წერს ინაშვილი.

(მოამზადა ანა ნოდიამ)