19 ივლისს ქსნის მე-15 დაწესებულებაში 9 მსჯავრდებულს ინგლისურ ენასა და IT-ში პროფესიული გადამზადების დამადასტურებელი სერტიფიკატები გადაეცათ. სერტიფიკატები სასჯელაღსრულების, პრობაციისა და იურიდიული დახმარების საკითხთა მინისტრის მოადგილემ სოფიო ჯაფარიძემ და თბილისის სახელმწიფო უნივერსიტეტის რექტორის მოვალეობის შემსრულებელმა ალექსანდრე კვიტაშვილმა გადასცეს. ღონისძიების გადაცემის შემდეგ, ორივე მათგანი გაესაუბრა მსჯავრდებულებს და გადამზადების კურსის შესახებ, მათგან რეკომენდაციები და შენიშვნები მოისმინა. მსჯავრდებულებმა სურვილი გამოთქვეს, რათა კურსები უფრო ინტენსიური და მრავალფეროვანი გახდეს. ასევე ყველა მსჯავრდებულმა, რომელსაც სურვილი ექნება შეიძინოს პროფესია, მისი ცოდნისა და უნარების შემოწმების შემდეგ, შესაბამის ეტაპზე განაგრძოს სწავლა.  პროფესიული სწავლების კურსები, რომელიც სამინისტროსა და თბილისის სახელმწიფო უნივერსიტეტს შორის დადებული მემორანდუმის საფუძველზე ხორციელდება, მიზნად ისახავს მსჯავრდებულების რესოციალიზაცია-რეაბილიტაციას და დასაქმების შესაძლებლობების ზრდას. ამჟამად სწავლება რუსთავის მე-17 და ქსნის მე-15 დაწესებულებაში მიმდინარეობს. სასწავლო კურსი მსჯავრდებულებისთვის მომავალი სასწავლო წლიდან განახლდება. სასჯელაღსრულების, პრობაციისა და იურიდიული დახმარების საკითხთა სამინისტრო თბილისის სახელმწიფო უნივერსიტეტთან გაფორმებული მემორანდუმის საფუძველზე, სასწავლო კურსების რაოდენობის გაზრდას გეგმავს.