რუსეთის მასმედიამ, ჩეჩნეთის მეთაურის რამზან კადიროვის „ინსტაგრამზე" დაყრდნობით, „ისლამური სახელმწიფოს" ერთ-ერთი ლიდერის, საქართველოს ყოფილი სამხედრო მოსამსახურის თარხან ბათირაშვილის, იმავე უმარ ალ-შიშანის მოკვლის ფაქტი გაავრცელა: „ისლამის მტერი თარხან ბათირაშვილი, რომელიც თავის თავს უმარ ალ-შიშანს უწოდებს, მოკლულია. ასეთი ბედი ელოდება ყოველს, ვისაც კი თავში მოუვა რუსეთისადმი და ჩეჩენი ხალხისადმი მუქარა. ასეთი ბედი ელოდება ყოველს, ვინც კი მუსლიმანის სისხლს დაღვრის. ალაჰ აკბარ!" - წერს რამზან კადიროვი „ინსტაგრამში".
„რეპორტიორის" შენიშვნა: ჯერჯერობით, ჩვენს მიერ მასალის მომზადების ჟამს, რამზან კადიროვის განცხადება უცხოური წყაროებით არ დასტურდება. შესაძლოა, ეს მორიგი „უტკა" იყოს, რომელსაც ჩეჩნეთის ლიდერი არცთუ ისე იშვიათად ავრცელებს ხოლმე ჯერ საკუთარ სოციალურ ქსელში, შემდეგ კი მასმედიაში.
