ყოფილი შინაგან საქმეთა მინისტრის ბაჩო ახალაიას მეუღლე facebook-ის საკუთარ გვერდზე მედიაში ბაჩო ახალაიაზე გავრცელებულ ინფორმაციას ეხმაურება. როგორც ნადარეიშვილი წერს, ჭორია, რომ ბაჩო ახალაიას საპროცესო შეთანხმებით უშვებენ. „ეს არის მტკნარი სიცრუე, არანაირი შემოთავაზება პროკურატურის მხრიდან არ ყოფილა და მეტიც, ბაჩო ახალაიას მსგავს რამეს ვერასოდეს ვერც გაუბედავენ!!! ეს არის ისევ და ისევ შავი პიარის ნაწილი ბაჩოს მიმართ, ვინაიდან პროკარატურა არის ჩიხში შესული, 9 თვის განმავლობაში ვერც ერთი ბრალი ვერ დაუმტკიცეს და სულ რამოდენიმე დღეში ველოდებით სამართლიან განაჩენს სასამართლოსგან“,-წერს ნადარეიშვილი.