მოყვარულ სტუდენტურ თეატრთა ასოციაცია ყოველწლიურად ატარებს ფესტივალს სახელწოდებით „ნიღაბი", სადაც ერთიანდებიან სხვადასხვა უნივერსიტეტების თეატრალური დასები.
ფესტივალის მთავარი მიზანია უნივერსიტეტების სტუდენტებს შორის კომუნიკაცია, გამოცდილების გაზიარება და მომავალში პროფესიული და შემოქმედებითი ურთიერთობების ჩამოყალიბება, შემეცნებითი თვალსაწიერის გაფართოება, ხელოვნების პროპაგანდა და სტუდენტური ცხოვრების გამრავალფეროვნება.
წლევანდელი ფესტივალი გაიხსნება 2 დეკემბრს, თბილისის სახელმწიფო სამედიცინო უნივერსიტეტში, საზეიმო დახურვა კი, 10 დეკემბერს „თი-ბი-სი გალერიში" გაიმართება.
კომპეტენტური ჟიური გამოავლენს მოყვარული დასების სტუდენტებს 9 ნომინაციაში. ჟიურის წევრები იქნებიან: გოგი თოდაძე (რეჟისორი), ნანული სარაჯიშვილი (მსახიობი), კახა მიქიაშვილი (თავისუფალი თეატრის მსახიობი), ნიკა წულუკიძე (თეატრმცოდნე), ია სუხიტაშვილი (რუსთაველის თეატრის მსახიობი), გოჩა კაპანაძე (რეჟისორი) და მერიის წარმომადგენელი პირი.
ფესტივალი „ნიღაბი" საერთაშორისო ხასიათს ატარებს და წელს ქართული დასებთან ერთად, თურქულ, უკრაინულ და აზიურ დასებს უმასპინძლებს.
