ზეითუნის ზეთში დიდი რაოდენობით არის კანისთვის ისეთი აუცილებელი ვიტამინები, როგორებიცაა Е და А, ასევე ვიტამინები - D, К, В, მონოუჯერი ცხიმები.

ზეითუნის ზეთის რეგულარული გამოყენება, თუნდაც სუფთა სახით, უზრუნველყოფს კანის ახალგაზრდობას, სილამაზესა და გლუვ ნაზ სტრუქტურას. ზეითუნის ზეთი არ განეკუთვნება ალერგენული ნივთიერებების რიცხვს, ამიტომ მგრძნობიარე კანისთვისაც კი შეიძლება იქნას გამოყენებული.

ზეითუნის ზეთი საშუალებას იძლევა, არა მარტო ავიცილოთ თავიდან ნაოჭების გაჩენა, არამედ ნაკლებად შესამჩნევი გავხადოთ ის მცირე ნაოჭები, რომელთაც უკვე მოასწრეს გაჩენა.

სახისთვის ზეითუნის ზეთის გამოყენება შეიძლება, ასევე, როგორც გამწმენდი საშუალება. ასეთი პროცედურა შეიძლება ჩატარდეს ღამე, ძილის წინ ან დილას, მაკიაჟის დადებამდე. სახის კანის გაწმენდის მიზნით, ზეითუნისზეთიანი ჭურჭელი უნდა ჩავდოთ ცხელწყლიან ქვაბში და ოდნავ შევათბოთ. შემდეგ ბამბის ტამპონი კარგად გაჟღინთეთ ზეითუნის ზეთით. სახის კანი იწმინდება სამასაჟე ხაზების გასწვრივ. თუ კანი მშრალია, მაშინ ღამით გაწმენდის შემდეგ არ არის აუცილებელი დარჩენილი ზეთის მოშორება, რადგან ღამის განმავლობაში იგი შეიწოვება და დამატებით არბილებს და ატენიანებს კანს. დილით ჩატარებული პროცედურისას კი გაწმენდიდან ნახევარი საათის შემდეგ უნდა შეიმშრალოთ კანი ხელსახოცით ზედმეტი ზეთის მოსაშორებლად.

ცხიმიანი კანის ზეითუნის ზეთით გაწმენდისას, როგორც დილით, ისე ღამით, პროცედურიდან ათი წუთის შემდეგ კანი უნდა ჩამოიბანოთ გრილი წყლით.

ზეითუნის ზეთს სრულიად შეუძლია შეცვალოს კოსმეტიკური რძე, როგორც სახიდან დეკორატიული კოსმეტიკის მოშორების საშუალება.

წყარო - mkurnali.ge

(მოამზადა ნათია ცუხიშვილმა)