საქართველოს კულტურისა და ძეგლთა დაცვის სამინისტრო ულოცავს საქართველოს დამსახურებულ არტისტს მარინა ჯანაშიას 65 წლის იუბილეს.
მსახიობმა შოთა რუსთაველის სახელობის თეატრალური ინსტიტუტის სარეჟისორო-სამსახიობო ფაკულტეტის მიხეილ თუმანიშვილის ჯგუფი დაამთავრა და სტუდენტობის წლებიდან დაწყებული არაერთი დაუვიწყარი თეატრალური თუ კინო როლი შექმნა.
მარი ჯანაშიას არაჩვეულებრივი სცენიური სახეები აქვს შექმნილი სხვადასხვა ეპოქის ისეთ მნიშვნელოვან სპექტაკლებში, როგორიცაა: „ანტიგონე", „ბერნარდა ალბას სახლი", „რომეო და ჯულიეტა", „ოტელო", „ქალის ტვირთი", „ტარტიუფი", „თავადის ასული მერი", „ისევ ვოდევილები", „ჯინსების თაობა", „მოხუცი ჯამბაზები" და სხვა.
გამორჩეულია მსახიობის კინოროლებიც ფილმებში: „ნუცა", „კუკარაჩა", „მარადისობის კანონი", „ო, რა ტკბილია განშორების ეს ნაზი სევდა (ევრიდიკე)" და სხვა.
მსახიობს სხვადასხვა წლებში მინიჭებული აქვს არაერთი ჯილდო და პრემია.
„რეპორტიორი" უერთდება კულტურის სამინისტროს მილოცვას და ქალბატონ მარინას უსურვებს ჯანმრთელობას და სიხარულს.
