სტუდენტური გაერთიანების „სამართლიანი საქართველოსთვის“ წევრებმა ილია ჭავჭავაძის განახლებული ძეგლი წიწამურში მოინახულეს. 

"თავის დროზე სარეაბილიტაციო სამუშაოების აუცილებლობის და მასში ჩვენი მონაწილების შესახებ, მცხეთის ხელმძღვანელობას მივმართეთ ინციატივით. გვითხრეს, რომ ამ საშვილიშვილო საქმეს თავად მცხეთელები და მთავრობა მოუვლიდა. სიტყვის ხალხი აღმოჩნდნენ და ამისთვის მადლობა მათ.

ჩვენ კი საზოგადოებას, განსაკუთრებით კი ჩვენს თანატოლებს - ახალგაზრდებს მოვუწოდებთ ეწვიონ წიწამურს. დაე, წმინდა ილიას ძეგლი მუდამ იყოს ყვავილებით შემკული. ხოლო გაზაფხულზე გავამწვანოთ და გავალამაზოთ ძეგლის მიმდებარე ტერიტორია" - წერენ სტუდენტური გაერთიანების „სამართლიანი საქართველოსთვის“ წევრები.