დავით გარეჯის „დოდო რქის"  მონასტრის მთავარი ტაძრის აღმოსავლეთით, კლდეში, წმინდანთა გამოსახულებებით მოხატული, დღემდე უცნობი დარბაზული ტიპის სამლოცველო აღმოაჩინეს.

კულტურული მემკვიდრეობის დაცვის სააგენტოს ინფორმაციით, ეს უპრეცედენტო აღმოჩენა  ადასტურებს, რომ მდიდარი მემკვიდრეობის მიუხედავად, ქვეყანაში ჯერ კიდევ არსებობდა ისეთი ძეგლი, რომელიც ამ დრომე ისტორიულ და სამეცნიერო წყაროში აღნიშნული არ იყო.

კულტურული მემკვიდრეობის დაცვის ეროვნული სააგენტოს გენერალური დირექტორი ნიკა ანთიძე, არქეოლოგებთან, არქიტექტურისა და კედლის მხატვრობის ექსპერტებთან ერთად დღეს გარეჯში ჩავა და  ძეგლის შეფასებისა და გადაუდებელ გამაგრებით სამუშაოების დაგეგმავს.