ახალგაზრდა ანალიტიკოსთა და მეცნიერთა დარბაზის „დოქტრინა ბიზნესრევიუს" კვლევის მიხედვით, ჩვენი ქვეყანა ბოლო შვიდი წლის განმმავლობაში არშემდგარი სახელმწიფოების რეიტინგში ე.წ. უკიდურესად სახიფათო ზონაში იმყოფება. როგორც  კვლევაშია აღნიშნული, არშემდგარი სახლემწიფოების  ნუსხაში 180-მდე ქვეყანას შორის საქართველოს 55-ე ადგილი უჭირავს.  უკეთესი მდგომარეობა აქვთ მეზობელ ქვეყნებს: აზერბაიჯანს - 76-ე, რუსეთს - მე-80, თურქეთს - 86-ე და სომხეთს 105-ე ადგილები. „დოქტრინას" დირექტორის, მიხეილ დუნდუას განცხადებით, 2005-2012 წლებში, არშემდგარი სახელმწიფოების რეიტინგში საქართველოს, ე.წ. უკიდურესად სახიფათო ზონაში ყოფნა, უმთავრესად, ელიტარული კორუფციით არის განპირობებული. ამავე კვლევის მიხედვით, ელიტარული კორუფციის რეიტინგში საქართველო პირველ ათეულშია. საქართველოზე უარესი მდგომარეობა - სომალის, სუდანს, სამხრეთ სუდანს, გვინეა-ბისაუს, ზიმბაბვეს, ერაყს, იემენს, კონგოსა და ჩადს აქვთ.  აღნიშნულ კვლევას საფუძვლად უდევს მსოფლიოში აღიარებული ამერიკული ორგანიზაცია „ამერიკის მშვიდობის ფონდი"- სა და ამერიკული გამოცემა „Foreign Policy" პოლიტოლოგ-ექსეპრტების მიერ შემუშავებული შვიდწლიანი ანალიზი. როგორც ახალგაზრდა ანალიტიკოსთა და მეცნიერთა დარბაზ „დოქტრინაში" აცხადებენ, აღნიშნული მონაცემები სავალალო და დამაფიქრებელია.