ზუგდიდში სიტუაცია დაწყნარდა, პრაიმერი წყნარ გარემოში მიმდინარეობს. სამოქალაქო განვითარების სააგენტო  „სიდას" ხელმძღვანელი და სოციოლოგი ლევან თარხნიშვილი „რეპორტიორთან" საუბარში აცხადებს რომ ზუგდიდიში, შალვა დადიანის სახელმწიფო დრამატული თეტრის წინ განვითარებული მოვლენები უკვე ჩაწყნარდა და  პრაიმერი მშვიდ გარემოში მიმდინარეობს. თუმცა იგი შეშფოთებულია განვითარებული მოვლენებით და ხულიგნობის მუხლით საქმის აღძვრას მოითხოვს. ხელისუფლებას სწრაფი რეაგირებისკენ მოუწოდებს.

„ მე ამ ყველაფერს ნამდვილად ვერ ვუწოდებ საპროტესტო აქციას. ეს უფრო ხულიგნობას გავდა.  არ მინახავს სხვა აქციზე ჯოხებით, ბოთლების ან ქვების სროლით გამოეხატათ პროტესტი. ეს არის ჩვენი უფლებების ხელყოფა. წინასაარჩევნო პროცესი არასამართლიანად მიმდინარეობს. ყველას კარგად გვახსოვს ის თუ რა მოხდა თებერვალში, როდესაც პრეზიდენტი არ შეუშვეს საჯარო ბიბლიოთეკაში, კარგად გვახსოვს 17 მაისი.  ეს არის ზეწოლა.  ძალის გამოყენება ვითომ აქტივისტების მხრიდან.  ამ ყველაფერს ხელს უწყობს ის დაუსჯელობის სინდრომი რომელიც არსებობს. მაგრამ კარგია ის რომ, მიუხედავად იმ ინციდენტებისა რომელიც ხდებოდა და  პოლიციის დაგვიანებული რეაგირებისა, პრაიმერის შეხვედრა შედგა და ის მიმდინარეობს. შესაბამისად ეს შეიძლება წარმატებად ჩაითვალოს. „-განაცხადა ლევან თარხნიშვილმა.