თელავში ალაზნის გამზირზე, მცირე ზომის ვერტმფრენი ჩამოვარდა. თვითმხილველების განცხადებით, ვერტმფრენი დაბლა მიფრინავდა და ის, სავარაუდოდ, ერთ-ერთი საცხოვრებელი კორპუსის სახურავს გამოედო. ამ დროისთვის მობილიზებულია სახანძრო და სამაშველო სამსახურები. შვეულმფრენის ჩამოვარდნის შედეგად დაზარალებულები არ არიან. ეკიპაჟის წევრების თქმით, ავარიული დაშვება ქარმა გამოიწვია და დაშვება საცხოვრებელ კორპუსებთან რომ არ მომხდარიყო, გეზის აღება სხვა მიმართულებით მოხდა. შვეულმფრენში მყოფმა ორივე მგზავრმა მცირე დაზიანებები მიიღო. არსებული ინფორმაციით, აღნიშნული შვეულმფრენი ილიას უნივერსისტეტს ეკუთვნოდა.