პრეზიდენტობის კანდიდატმა, მიხეილ სალუაშვილმა,   „რუსთავი 2-ის" პროექტ   „ნიჭიერში" მიიღო მონაწილეობა.  მისთვის განკუთვნილი რიგითი ნომერი 8348 აღმოჩნდა. 

„საქართველოსა და ქართველებს, ღმერთისგან ბოძებული უდიდესი მისია გვაქვს - დავამოწმოთ უფალ იესუ ქრისტე მეორედ დიდებით გაცხადების წინარე დროის - ბოლო ჟამის დადგომა... მაშ, ვისაც ყური სასმენლად აქვს ისმინოს - გაფრთხილებთ: ბოლო ჟამი თავის დასასრულს უახლოვდება!" - განაცხადა,  პრეზიდენტობის კანდიდატმა  სცენაზე გასვლისას.
ტექსტის დასრულების შემდეგ მან არ დააყოვნა საზოგადოება და დატოვა დარბაზი.

„დარბაზში მსხდომნი, რომლებიც, ძირითადად,  გასართობად იყვნენ მოსულნი ერთგვარი, აგრესიით შეხვდნენ ამ სიტყვებს... ჟიურის ერთ-ერთ წევრს [გეგა ფალავანდიშვილს] კითხვის პასუხად განვუცხადე, რომ მათთან ჩემი წარდგომის მიზანი არა ე.წ. მეორე ტურში გასვლა, არამედ საქართველოს მისიის თაობაზე განაცხადის გაკეთება გახლდათ." - აცხადებს სალუაშვილი.