ადამიანის უფლებათა დაცვის კომიტეტმა არასრულწლოვანი პატიმრის გარდაცვალების ფაქტზე მუშაობა უკვე დაიწყო. კომიტეტის თავმჯდომარის, ეკა ბესელიას განცხადებით, ციხის მონიტორინგი გაგრძელდება და სასჯელაღსრულების დაწესებულებიდან ინფორმაცია უკვე გამოთხოვილია.

„სასჯელაღსრულების დაწესებულებიდან გამოვითხოვე უკვე ინფორმაცია. დაველაპარაკები ციხის ადმინისტრაციას და გავაგრძელებთ მონიტორინგს. ოჯახი წინა ინციდენტს იხსენებს, როცა გარდაცვლილს ციხეში სხვა პატიმართან ჰქონდა კონფლიქტი. ამიტომ გარდაცვლილი ცალკე საკანში იმყოფებოდა. საჭიროა გარკვევა, როგორ და რა ვითარებაში მოხდა ეს ფაქტი. დარწმუნებული ვარ, სოზარ სუბარი და სასჯელაღსრულების დაწესებულების თანამშრომლები ყველაფერს გააკეთებენ, რომ ეს საქმე გამოძიებულ იქნას"-განაცხადა ბესელიამ.