„ამ პეტიციის ინიციატივა წამოვიდა ჩვენი, როგორც მოქალაქეებისგან. ესა არ არის რომელიმე ორგანიზაციის პოზიცია და ვფიქრობ, რომ ყველა ვინც ამ პეტიციას უერთდება, მაქვს გრძნობა, რომ ისინი არიან შეურაცხყოფილები. ვფიქრობ, ხელისუფლებამ რაღაც ნაბიჯები უნდა გადადგას, რითიც მთელს მსოფლიოს დაანახებს იმას, რაც საქართველოში ხდება"- განაცხადა სატელევიზიო ეთერის მეშვეობით, არასამთავრობო ორგანიზაცია „სამართლიანი არჩევნების" წარმომადგენელმა ნინო ლომჯარიამ.
მისი თქმით, ზამთრის სოჭის ოლიმპიადაზე ქართველი სპორტსმენების მონაწილეობის მოწინააღმდეგეთა რიცხვი 7000 აჭარბებს. ლომჯარიას მტკიცებით, ამგვარი ბოიკოტით მთელი მსოფლიო დაინახავს ქართველების დამოკიდებულებას ამ ოლიმპიადის მიმართ.
შეგახსენებთ, რომ ინეტერნეტ-სივრცეში სოჭის ოლიმპიადის ბოიკოტირების მიზნით, ონლაინ-პეტიცია რამდენიმე დღის წინ გამოჩნდა.
