საპატრიარქოში წმინდა სინოდის სხდომა მიმდინარეობს. წმინდა სინოდის სხდომას სრულიად საქართველოს კათოლიკოს-პატრიარქი, უწმინდესი და უნეტარესი ილია II გაუძღვება. წმინდა სინოდის სხდომებზე, როგორც წესი, მღვდელმთავრები ეკლესიისთვის მნიშვნელოვან საკითხებზე მსჯელობენ.ჩვეულებრივ, წმინდა სინოდის სხდომა გაზაფხულსა და შემოდგომაზე იმართება. წელს წმინდა სინოდის რიგით მეორე სხდომა იმართება, ბოლო სხდომა 23 აპრილს შედგა. წმინდა სინოდის 40-მდე მღვდელმთავარი მონაწილეობს, თუმცა ამ დროისთვის უცნობია, რამდენი მათგანი დაესწრება დღევანდელ სხდომას. წმინდა სინოდის განჩინებას საზოგადოებას დღის ბოლომდე გააცნობენ.