შინაგან საქმეთა სამინისტროს პრესსამსახურის უფროსის, ნინო გიორგობიანის ცნობით, ბათუმში, 3 პიროვნება ადმინისტრაციული სამართალდარღვევის ფაქტზე დააკავეს. როგორც „რეპორტიორთან" საუბრისას გიორგობიანმა განაცხადა, აღნიშნული პირები სიტყვიერი შეურაცხყოფის გამო არიან დაკავებულები და მათი სასამართლო პროცესი დღესვე გაიმართება.

გიორგობიანის თქმით, დაკავებული სამი პიროვნება „ნაციონალური მოძრაობის" პრეზიდენტობის კანდიდატის წინასაარჩევნო შეხვედრაზე იმყოფებოდა. ისინი დავით ბაქრაძეს და მის მხარდამჭერებს სიტყვიერ შერაცხყოფას აყენებდნენ, რის გამოც საპატრულო პოლიციის თანამშრომლებმა დააკავეს.