„შეკითხვის დასმის პრობლემა არავის არ აქვს, ოღონდ შეკითხვის დასმა არ ხდება შეურაცხყოფით, პოლიციელებზე გადმოხტომით და ლანძღვა-გინებით. ყველაფერს აქვს თავისი ფორმა. ჩვენს ხალხს აწუხებს კიდევ ერთი პრობლემა, რომელიც უკავშირდება მუდმივ დაპირისპირებას, არეულობას, აგრესიას ერთმანეთის მიმართ"-განაცხადა „ნაციონალური მოძრაობის" პრეზიდენტობის კანდიდატმა დავით ბაქრაძემ, ბათუმში წინასაარჩევნო კამპანიის ფარგლებში გამართული შეხვედრის დროს მომხდარ ინციდენტთან დაკავშირებით.

შეგახსენებთ, რომ საპატრულო პოლიციის თანამშრომლებმა, ბათუმში, პოლიტპატიმრის სტატუსით გათავისუფლებული 3 პირი დააკავეს. მათ ბაქრაძისა და მისი მხარდამჭერების მიმართ სიტყვიერ შეურაცხყოფაში ედებათ ბრალი.