საქართველოს კათოლიკოს-პატრიარქმა, ილია მეორემ,  დღევანდელი საკვირაო ქადაგებისას  პიროვნების როლსა და დანიშნულებაზე ისაუბრა. ასევე, მომავალი შაბათიდან საღამოს ლოცვა 18:00 საათის ნაცვლად, 17:00 საათზე.

"ძალიან ხშირად, ჩვენ იმდენად ვართ დაკავებული საკუთარ თავსა და ინტერესებზე ზრუნვით, ვერ ვხედავთ გაჭირვებულ ადამიანებს. ამიტომაც გვეუბნება უფალი - იყავით მოწყალენი, ვითარცა მამა თქვენი ზეციერი მოწყალე არს. ვინც წყალობს მოყვასსა თვისსა, მას წყალობს უფალი.  შემთხვევით არაფერი ხდება და შემთხვევითი არ არის, რომ უფალმა ამ სოფელს მოგვიყვანა. ჩვენი მიზანი, უპირველეს ყოვლისა უნდა იყოს ის, რომ დავუახლოვდეთ უფალს, მოყვასს, ბუნებას, რათა შეიკრას პიროვნების მთლიანობა. უფალი ყველას და ყველაფერს მხოლობით რიცხვში ქმნის. ტყუპები, შესაძლოა, გარეგნულად ძალიან ჰგავდნენ ერთმანეთს, მაგრამ შინაგანად სრულიად განსხვავებული იყვნენ. უნდა ვიფიქროთ იმაზე, რომ ვიყოთ ღვთის შვილები, შევქმნათ ახალი იდეები" - ბრძანა უწმინდესმა.

ქადაგების დასასრულს პატრიარქმა რამდენიმე გვარი დალოცა:  დეიშვილები, კიწმარიშვილები, მოსიძეები, მშვენიერაძეები, ბლიაძეები, შატბერაშვილები, ფავლენიშვილები და ღიბრაძეები