რუსი მაგნატი, ალექსანდრ ლებედევი „ნოვაია გაზეტას" საგამოძიებო განყოფილების ხელმძღვანელი გახდა და სოციალური ქსელებიდან ჟურნალისტებს მიმართა. იგი მოუწოდებს, რომ აღარ მოიხსენიონ „ოლიგარქად" და „ბანკირად". მისივე თქმით, გაზეთის მთავარი რედაქტორი, დიმიტრი მურატოვი, ახლა მისი მოადგილეა.
მურატოვმა ორშაბათს დაადასტურა, რომ ლებედევია მისი გაზეთის საგამოძიებო განყოფილების ხელმძღვანელი, მაგრამ იქვე თქვა, რომ საგამოძიებო ჯგუფში ლებედევის მოადგილის სახით თავისი საქმიანობის შესახებ არაფერი იცის.
მოსკოვში დაფუძნებული „ნოვაია გაზეტა" ცნობილია, როგორც რუსეთის მოვლენათა ობიექტური გამშუქებელ გაზეთი. მის არაერთ ჟურნალისტს თავს დაესხნენ. მათ შორის იყო ანა პოლიტკოვსკაია, რომელიც 2006 წელს მოსკოვში მოკლეს. ალექსანდრ ლებედევი „ნოვაია გაზეტას" მფლობელი იყო ყოფილ საბჭოთა ლიდერ მიხეილ გორბაჩოვთან ერთად 2006 წლამდე.
