თბილისის საკრებულოს მუნიციპალიტეტის ფოიეში დედაქალაქის წარმომადგენლობითი ორგანოს მხარდაჭერითა და საზოგადოება „თბილისის" ინიციატივით, მხატვარ ზურაბ გომელაურის ნამუშევრების გამოფენა გაიმართა.

გამოფენას დედაქალაქის საკრებულოს წარმომადგენლები, საზოგადო მოღვაწეები, შოუბიზნესის წარმომადგენლები და მხატვრის მეგობრები ესწრებოდნენ.

გამოფენაზე წარმოდგენილი იყო მხატვრის 30 ნამუშევარი, რომლებზეც ზურაბ გომელაური წელიწადნახევრის მანძილზე მუშაობდა. ზურაბ გომელაურის პერსონალური გამოფენა დღესვე დასრულდება.