საერთაშორისო სავაჭრო პალატის პრეზიდენტი ფადი ასლი ქართველ ბიზნესმენებს სითამამისა და უშიშრად საუბრისკენ მოუწოდებს. განცხადებას ფადი ასლი სოციალური ქსელით ავრცელებს. მიმართვაში ფადი ასლი მამუკა ხაზარაძის იმ განცხადებაზე საუბრობს, რომელიც ბიზნესმენმა "რუსთავი2"-ის პირდაპირ ეთერში გააკეთა.
"TBC ბანკის" დამფუძნებელმა მამუკა ხაზარაძემ პოლიტიკოსებს მოუწოდა, ბიზნესს საქმის კეთების საშუალება მისცენ.
გთავაზობთ ფადი ასლის მიმართვიდან ნაწყვეტს:
„კორპორატიული სოციალური პასუხისმგებლობა არის არა მხოლოდ ხეების დარგვა და ნაგვისგან ქალაქის გაწმენდა, ეს ხარისხის გაუმჯობესება ჩვენს ბიზნეს პარტნიორებთან.
მოვუწოდებ ყველა ქართველ ბიზნესმენს აიმაღლოს უშიშრად ხმა, ხალხის სასარგებლოდ," - ნათქვამია მიმართვაში.
მამუკა ხაზარაძის განცხადებას მხარდაჭერა გამოუცხადეს ბიზნესმენთა და ბანკების ასოციაციებმაც. ინვესტორებისთვის და ადგილობრივი ბიზნესმენებისთვის შემქნილი სირთულეებით დაინტერესებას ახალგაზრდა იურისტთა ასოციაციაც გეგმავს.
