„მე შევახსენებ, ბატონ ვინმე სააკაშვილს, რომ 2008 წელს ამერიკის ადმინისტრაციიდან, კონკრეტულად კონდოლიზა რაისი, არწმუნებდა იმ პროვოკაციაში, რაც მოხდა სამაჩაბლოში არ ჩერულიყო და ქვეყანა იმ სავალალო მდგომარეობამდე არ მიეყვანა, რა მდგომარეობაშიც მოხვდა ჩვენი ქვეყანა. სააკაშვილს მისი ნაბიჯებიდან გამომდინარე, დავით აღმშენებლობა უნდოდა და დროშების ფრიალი, მაგრამ ვისზე გამარჯვება ?- გაურკვეველია"- ასე ეხმაურება ლუკა კურტანიძე „რეპორტიორის" პრესკლუბში მიხეილ სააკაშვილის იმ განცხადებას, სადაც პრეზიდენტი აცხადებს, რომ 26 მაისს, შსს-ში ამერიკული FBIს ჯგუფი იჯდა და მიტინგის დაშლის ყველა ეტაპს თვალყურს ადევნებდა.
„არასოდეს ყოფილა პრეცენდენტი, რომ ამერიკის ელჩს, ისეთ აქციაზე როგორიც ზუგდიდიში იყო, მონაწილეობა მიეღო. ეს არის მკვეთრი მესიჯი ვინმე სააკაშვილის მიმართ, რომ ამერიკის მხარე არ დაუშვებს იმ 9 წლის განმავლობაში რაც კეთდებოდა და რაც სააკაშვილმა თავის ხელისუფლებასთან ერთად ჩაიდინა , კიდევ გაგრძელებულიყო."
„საქმე გვაქვს ადამიანთან, რომელიც ხავსს ეკიდება და ყველაფრის ჩათრევა უნდა,ოღონდ თვითონ გადარჩეს. ყველაფერს გავაკეთებ იმისათვის, რომ საზოგადოებამ რომელმაც კითხვა დასვა, სამართლებრივად გასწორდეს და ყველას თავისი მიეზღოს, თუნდაც ვინმე სააკაშვილს." აცხადებს ლუკა კურტნაიძე.
