ხელნაწერთა ეროვნული ცენტრის დირექტორის პოსტი განათლების მინისტრის ბრძანებით, ვაკანტურად გამოცხადდა. 2006 წლიდან ამ დრომდე, ცენტრს ბუბა კუდავა ხელმძღვანელობდა. თამარ სანიკიძის განცხადებით, ხელნაწერთა ეროვნულ ცენტრში რამდენიმე დღე აუდიტის სამსახური მუშაობდა და უარყოფით დასკვნასაც რამდენიმე დღეში გააჟღერებენ.
თავად ბუბა კუდავა აღნიშნულ ქმედებას ხელნაწერთა ეროვნული ცენტრის თანამშრომელთა და პირადად მისი პოზიციის წინააღმდეგ გადადგმულ ნაბიჯად აფასებს.
ხელნაწერთა ეროვნული ცენტრის თანამშრომლები ამტკიცებენ, რომ სამინისტროსა და ცენტრს შორის უთანხმოება არსებობს. ისინი ახალ შენობაში გადასვლას ითხოვენ და დაბალ ხელფასებს აპროტესტებენ.
განათლების მინისტრის გადაწყვეტილებით, ხელნაწერთა ეროვნული ცენტრის დირექტორის პოსტი ვაკანტურია. გასულ წლებში სადამდეც მიგვიყვანა მსგავსმა ავტორიტარიზმმა, ყველას კარგად გვახსოვს. ცენტრი კი ეროვნულ საგანძურს ინახავს, რომელსაც მაღალკვალიფიციური და ღირსეული მცველი ესაჭიროება და არა გამოცხადებული ვაკანსიის წესით შერჩეული გარეშე პირი.
