17 მაისის მოახლოებასთან ერთად ჩვენში დიდი აჟიოტაჟია ატეხილი იმასთან დაკავშირებით, უნდა ჩაატაროს თუ არა ე.წ. ლგბტ საზოგადოებამ დემონსტრაცია რუსთაველის გამზირზე. ვესაუბრებით „მართვის სტრატეგიული ცენტრის" ხელმძღვანელს პეტრე მამრაძეს, რომელიც წლებია, სერიოზულად იკვლევს ლგბტ-სინდრომთან დაკავშირებულ პრობლემატიკას.
- ბატონო პეტრე, რა გახდა ეს ლგბტ-მარაზმი ასეთი, რომ რამდენიმე ასეული არატრადიციული ორიენტაციის წარმომადგენელზე მთელი ქვეყანა ლაპარაკობდეს?
- ამთავითვე ვიტყვი: საზოგადოება, რომელიც ჰომოსექსუალიზმს ავადმყოფობად, პათოლოგიადან დიდ ცოდვად არ მიიჩნევს, სიკვდილისთვის არის განწირული! ეს დაადასტურა საკაცობრიო გამოცდილებამ!
როდესაც დავით უსუფაშვილი გვიცხადებს, ნატო-ს გარეშე საქართველო შესაძლოა, მსოფლიო რუკიდან გაქრესო, მან ისიც უნდა იცოდეს, რომ თუნდაც ნატო-მ უზრუნველყოს თავისი წევრების უსაფრთხოება, ეს საკმარისი არ არის, რომელიმე ერი გადაგვარებისგან იყოს დაცული.
- მითუმეტეს, ჩვენ ხშირად გვესმის, რომ თუ ლგბტ-პირების უფლებებს არ დავიცავთ და რუსთაველის გამზირზე გეი-აღლუმებს არ ჩავატარებინებთ, ჩვენ ევროკავშირსა და ნატო-ში არ მიგვიღებენ!
- მინდა, გითხრათ სრული პასუხისმგებლობით: რუსთაველის გამზირზე ყოველდღიურადაც რომ ვატაროთ გეი-აღლუმები, ევროკავშირსა და ნატო-ში მაინც არ მიგვიღებენ! და ოდესმე თუ მიგვიღეს, რა აზრი აქვს ამ გაერთიანებებში გაწევრიანებას, თუ ქართველი კაცი დაკარგავს თავის უნიკალურ მსოფლხედვას და კულტურულ ფასეულობას?!
ჰომოსექსუალიზმის აღვირახსნილი წახალისება და კულტივირება საქართველოში სააკაშვილის დროს დაიწყო! გაიხსენეთ ინგლისური ენის მასწავლებლის ფლეტჩერის მაგალითი: ამ არსებამ ზუგდიდის ერთ-ერთ სკოლაში არასრულწლოვნებს დაურიგა ლინკები, სადაც ბავშვები კომპიუტერში ათვალიერებდნენ, თუ როგორ იდებდა მათი პედაგოგი პირში ხელოვნურ ასოს! როდესაც სკოლის დირექტორმა დ პედაგოგებმა ეს ამბავი გააპროტესტეს, განათლების მინისტრმა შაშკინმა ისინი სკოლიდან გაყარა, ფლეტჩერს კი პირადად ეწვია ზუგდიდში და ტელეკამერების წინ ბოდიშები უხადა!
გაიხსენეთ ისიც, რომ არცერთ არასამთავრობო ორგანიზაციას ღიად და ხმამაღლა არ დაუცავს ზუგდიდელი პედაგოგების ფეხქვეშ გათელილი უფლებები! მათ ფლეტჩერს დაუჭირეს მხარი!
- რატომ?
- იმიტომ, რომ ჩვენებური ასო-ები ადამიანის უფლებებს იმისდა მიხედვით იცავენ, რამდენად მოეწონებათ ეს მათ უცხოელ დამფინანსებლებს! ეს კი, სრული მარაზმია და არავითარი კავშირი უფლებადაცვით საქმიანობასთან არა აქვს!
სააკაშვილის რეჟიმის დროს ბევრი ადამიანი ხედავდა, როგორ ივსებოდა პოლიტიკური პარტიები, ტელეკომპანიები თუ სამინისტროები ჰომოსექსუალებით; ჩვენს თვალწინ იკეთებდნენ თავბრუდამხვევ პოლიტიკურ კარიერას სრულიად გამოუცდელი ახალგაზრდები, რომლებიც მხოლოდ იმით გამოირჩეოდნენ, რომ არატრადიციული ორიენტაციის მაღალი რანგის ხელმძღვანელების ვნებებს აკმაყოფილებდნენ. ალბათ, გემახსოვრებათ, პრესაში გაჟონილი ინფორმაცია, როგორ თქვა სააკაშვილმა ვიწრო წრეში ერთ თავის გეი-მინისტრზე, „ერთი-ორი ასეთი მინისტრი თუ არ გვეყოლება, ევროკავშირში არ მიგვიღებენო!
კიდევ ერთი თვალსაჩინო ფაქტი: 2012 წლის 17 მაისს (ანუ ჯერ კიდევ სააკაშვილის მმართველობისას) საქართველოში სპეციალურად ჩამოსულმა ჰომოსექსუალებმა, ადგილობრივ აქტივისტებთან ერთად, ჰომოსექსუალური პორნო-პროვოკაცია მოაწყვეს 51-ე სკოლის პირდაპირ! როდესაც აღშფოთებულმა მშობლებმა და მოქალაქეებმა ბავშვების თვალწინ მოკოცნავე „კაცებს" შეუტიეს, იქ მაშინვე გაჩნდნენ უცხოელი დიპლომატები! ასო-ებმა მაშინაც არ დაგმეს ბავშვების უფლებების აშკარა შელახვა! პირიქით, ისინი ერთმანეთს გეების უფლებების დაცვაში ეჯიბრებოდნენ!
გავიდა დრო და ერთმა უცხოელმა ექსპერტმა მითხრა, რომ 2012 წლის 17 მაისს 51-ე სკოლის წინ მოწყობილი პორნო-პროვოკაციის შემდეგ საქართველოს 5-ოდე არასამთავრობო ორგანიზაციამ 7 მილიონი დოლარის დაფინანსება მიიღო! და როგორც იმ უცხოელმა ამიხსნა, ეს ორგანიზაციები სინამდვილეში ერთი ჯგუფია და ცალ-ცალკე იმიტომ დარეგისტრირდნენ, რომ ჩანდეს - ფული ერთ ხელში არ მიდისო!
- ჩვენში ლიბერასტები ხშირად აპელირებენ ამ ყბადაღებული „ანტიდისკრიმინაციული კანონით" და მის მიერ მონიჭებული უფლებებით...
- კი, ბატონო, „ანტიდისკრიმინაპციული კანონი" საჭიროა, მაგრამ გააჩნია, რა შინაარსით! ჭეშმარიტი „ანტიდისკრიმინაციული კანონი" საფუძველშივე უნდა გამორიცხავდეს უმცირესობისთვის რაიმე პრივილეგიას, მხოლოდ იმიტომ, რომ ის უმცირესობაა! სწორი იქნებოდა, თუ იმავე კანონში ჩაიწერებოდა ჰომოსექსუალიზმის ნებისმიერი რეკლამირებისა და პროპაგანდის დაუშვებლობა!
როდესაც ინტერვიუს დასაწყისშივე გითხარით, რომ სასიკვდილოდ არის განწირული ის საზოგადოება, რომელიც ჰომოსექსუალიზმს პათოლოგიად ან დიდ ცოდვად არ მიიჩნევს-მეთქი, ამით, პრაქტიკულად, გავიმეორე რედიარდ კიპლინგის ცნობილი ციტატა: „ჩვენს ქალებს აღარ ეყოლათ შვილები, ჩვენს კაცებს კი გონება და რწმენა წაერთვათ, ანბანური ჭეშმარიტება კი ღმერთებმაც გვითხრეს: „ცოდვის საფასური სიკვდილია!"
ყველას მოვუწოდებ, გულდასმით წაიკითხონ ცნობილი ამერიკელი ფსიქიატრისა და ფსიქოანალიტიკოსის - ჩარლზ სოკარიდესის (1922-2005 წწ.) გახმაურებული ნაშრომი „როგორ გაპედერასტდა ამერიკა!"
სოკარიდესმა, რომელიც ნახევარი საუკუნის მანძილზე მეცნიერულად იკვლევდა და მკურნალობდა ჰომოსექსუალიზმს, პაციენტების მესამედი ნორმალურ ცხოვრებას დაუბრუნა, მათ შექმნეს ოჯახები და გააჩინეს შვილები!
- თუმცა, ჯანდაცვის მსოფლიო ორგანიზაცია ჰომოსექსუალიზმს ავადმყოფობად უკვე აღარ მიიჩნევს...
- ესეც, მსოფლიო გეი-მაფიის „შემოქმედებაა!" მათ მოისყიდეს, დააშანტაჟეს შესაბამისი სტრუქტურები და შავზე თეთრი ათქმევინეს! როდესაც ჩვენ გვიმტკიცებენ, ჰომოსექსუალიზმი იგივე მოვლენაა, რაც ვთქვათ, ცაციობაო, ეს არის აბსურდი!
ცნობილი ამერიკელი პოლიტიკოსი და პუბლიცისტი პატრიკ ბიუკენენი თავის ბესტსელერში „დასავლეთის სიკვდილი", ძალიან კარგად წერს: „ჰომოსექსუალიზმი მონობაა და არა - თავისუფლება; ეს არის სიკვდილის და არა - ცხოვრების წესი! შიდსის გავრცელების შემდეგ სოკარიდესის ბევრმა პაციენტმა უთხრა მას - „ექიმო, თქვენ რომ არა, ახლა მკვდარი ვიქნებოდი!"
„ამერიკის გაპედერასტებაც" ასე დაიწყო: საზოგადოება ნელ-ნელა შეაჩვიეს, რომ ეს ნორმაა, რომ ჰომოსექსუალიზმისადმი ტოლერანტობა ცივილიზებულობისა და თანამედროვეობის ნიშანია... შემდეგ კი, როდესაც ამ „მდგმურმა" სახლში ადგილი დაიმკვიდრა, „პატრონები" გარეთ გამოყარა!
დღეს ჩვენში ტელეეკრანები წალეკა სხვადასხვა ჯურის შოუებმა, რომლებიც მათი ავტორების სახელობისაა! მოდით, არ დავაკონკრეტოთ მათი ვინაობა, ისედაც ყველა მიხვდება! საერთო, რაც ამ ტელე-შოუებს აქვთ, აღვირახსნილობის, პედერასტიისა და თავისუფალი სექსის პროპაგანდაა!
არადა, სწორედ ასე „გაპედერასტდა" ამერიკაც! გაგიკვირდებათ, მაგრამ აი, რას წერდა ჯერ კიდევ 1994 წელს ცნობილი ამერიკელი პოლიტოლოგი ზბიგნევ ბჟეზინსკი:
„უკიდურესად სწრაფად გარდავიქმნებით მსოფლიოს ყველაზე ტრივიალურ საზოგადოებად. ჩვენ შეიძლება ვიყოთ ყველაზე მდიდარი, ყველაზე დემოკრატიული, ყველაზე ინოვაციური და ყველაზე წარმატებული ერი მსოფლიოში, მაგრამ, ამავდროულად, ერთ-ერთ ყველაზე სულელ ერთად ვიქცევით ძალიან სწრაფად. მესამე სამყაროს რომელიმე პატარა სოფლის მაცხოვრებლებს გაცილებით მეტი სიბრძნე აქვთ, ვიდრე ცისფერ ეკრანებს მიჯაჭვულ ამერიკელებს... „შეხედეთ ჩვენს სატელევიზო შოუებს, რომლებიც საათობით გადასცემენ მასმედიის პორნოგრაფისტების მიერ მომზადებულ აღგზნებად გახრწნილობას. ეს პროგრამები მათი ავტორების სახელებს ატარებს, რაც ამ ადამიანების უცნაური სოციალური როლის პერსონალიზაცია ხდება. აი, რით კვებავენ ამერიკელთა უმრავლესობას. სხვა საზოგადოებები სწრაფად გვბაძავენ... ეს ძალიან სერიოზული პრობლემაა!"
ხომ არ გვეცნო ეს რეალობა? ეს ამერიკამ ჯერ კიდევ 20 წლის წინათ გაიარა და რაც მიიღო, ნათლად ჩანს!
არადა, ეს ყველაფერი სწორედ მაშინ დაიგეგმა, როდესაც 1973 წელს, ამერიკის ფსიქიატრთა ასოციაცია დანებდა გეი-მაფიას და ჰომოსექსუალობა ამოიღეს დაავადებათა სიიდან!
და რა ძალა აქვს დღეს მსოფლიო ჰომოსექსუალურ სინდიკატს, ძალიან კარგად გამოჩნდა ცნობილი ქართველი საოპერო მომღერლის თამარ ივერის მაგალითზე! თამარ ივერმა 2013 წლის 17 მაისს რუსთაველის გამზირზე გეი-აღლუმის წინააღმდეგ გამოსული ასი-ათასამდე მართმადიდებელს ფეისბუქ-სტატუსით, სულ რამდენიმეწინადადებიანი თანადგომა გამოუცხადა! ამის გამო კი, მასთან საქმის დაჭერაზე მსოფლიოს ლამის ყველა ოპერის ადმინისტრაციამ თქვა უარი, თამარ ივერი იძულებული გახდა, საჯაროდ ბოდიშები ეხადა, ხოლო ეს ყველაფერი, თავდამცირებულს, აქაური ლგბტ-აქტივისტების გვერდზე,საგანგებო პრესკონფერენციაზე, ტელეკამერების წინ გააკეთებინეს!
არადა, ყველა საზოგადოებაში, ჰომოსექსუალ-ბისექსუალ-ლესბოსელ-ტრანსგენდერების რაოდენობა, მაქსიმუმ 3 პროცენტია! საქართველოში, მათი რაოდენობა, ცხოვრების კონსერვატიული წესისა და მართლმადიდებლობის დომინანტური როლის გამო, მთლად უმნიშვნელოა!
- 2013 წლის 17 მაისს რუსთაველის გამზირზე მოწყობილი გრანდიოზული პროვოკაციის ავტორებმა, ფაქტობრივად, გაწირეს ლგბტ+აქტივისტები, რომლებიც თავისუფლად შეიძლებოდა, გამძვინვარებულ ხალხს ნაკუწ-ნაკუწ დაეფლითა!
- ეს პროვოკაციები კვლავაც გაგრძელდება, მაგრამ, თუ ჩვენ დავუშვებთ, რომ გეი-აღლუმები გაიმართოს, ამით გზას გავუხსნით მომდევნო მოთხოვნას - ერთსექსიანთა ქორწინების დაკანონებასთან დაკავშირებით!
ჩვენში ლგბტ-საზოგადოების განსაკუთრებით თავგადაკლულ დამცველად გვევლინება ნიდერლანდების მთავრობა! ჩვენმა საზოგადოებამ კი უნდა იცოდეს, რომ ნიდერლანდებში ჰომოსექსუალურმა ლობიმ უკვე მიაღებინა მთავრობას კანონი, რომელიც ნებას რთავს ზრდასრულ ადამიანს სექსს 12 წლის ბავშვთან! წარმოიდგინეთ, რა ადვილია, მოთაფლო და გააბრიყვო 12 წლის ასაკის გოგო ან ბიჭი! და ეს „ცივილიზებულ" ევროპაში ნორმალურად ითვლება!
ნიდერლანდებმა კი, მოგეხსენებათ, ერთსექსიანთა ქორწინება კარგა ხნის წინათ დააკანონა! ჰოდა, თუ საქართველოში გეი-ქორწინება დააკანონეს, არც ამაზე გაჩერდებიან და მომდევნო მოთხოვნა იქნება პედოფილიისა და ზოოფილიის ნორმად გამოცხადება!
ვეჭვობ, საქართველოში ასეთი „ევროპელობა" რომელიმე ნორმალურ ადამიანს გულზე ეხატებოდეს!
ესაუბრა გიორგი გიგაური
გაზეთი „ასავალ-დასავალი"
