თბილისი 11 აგვისტოს უეფა-ს სუპერთასის შეხვედრას უმასპინძლებს. სუპერთასზე დასასწრები ბილეთები 18 ივნისიდან გაიყიდება. ბილეთები ინტერნეტით გაიყიდება და მათი ფასი 7, 15 და 30 ევრო იქნება. გულშემატკივარს ბილეთების შეძენა biletebi.ge-ზე შეეძლება, სადაც მატჩზე დასასწრები 30 ათასი ბილეთი გაიყიდება. ერთ ადამიანს საკუთარი პირადობით, მხოლოდ 4 ბილეთის ყიდვა შეეძლება. მატჩამდე ორი კვირით ადრე ონლაინ-გაყიდვები შეწყდება და თუკი დარჩება გასაყიდი ბილეთები, ის „დინამო არენას" სალაროში გადაინაცვლებს და იქ გაიყიდება.
თბილისში ჩამომსვლელთა ვინაობა საბოლოოდ 6 ივნისს გაირკვევა. ჩემპიონთა ლიგის ფინალში „ბარსელონასა" და ტურინის „იუვენტუსს" შორის გამარჯვებული, ევროპის ლიგის ფინალში, 26 მაისს, „სევილიასა" და ჯაბა კანკავას დნეპროპეტროვსკის „დნიპროს" შორის გამარჯვებულს შეხვდება.
