24 მაისს, ინგლისის პრემიერ ლიგის 2014/2015 წლების გათამაშების უკანასკნელი ტური გაიმართა. „სტოუკ სიტიმ" საკუთარ კედლებში „ლივერპული" მიიღო და გამანადგურებელი ანგარიშით - 6:1 დაამარცხა.
აღსანიშნავია, რომ მასპინძელთა კარში გატანილი ერთადერთი გოლის ავტორი, 70-ე წუთზე სტივენ ჯერარდი აღმოჩნდა, რომლისთვისაც ეს უკანასკნელი მატჩი იყო „ლივერპულის" მაისურით.
აღსანიშნავია ის ფაქტიც, რომ როდესაც მერსისაიდელთა ლეგენდარული კაპიტანი ბეგოვიჩთან ერთი-ერთზე გასასვლელად დაიძრა, „სტოუკ სიტის" ფეხბურთელები გაჩერდნენ და სტივენს გოლის გატანის საშუალება მისცეს. ასე აცილებენ ლეგენდებს ინგლისში...
ამ მარცხით „ლივერპულმა" უმნიშვნელოვანესი ქულები დაკარგა და სატურნირო ცხრილში მეექვსე ადგილს დასჯერდა, რაც იმას ნიშნავს, რომ გუნდი ევროპა ლიგის საკვალიფიკაციო ეტაპზე ითამაშებს.
