იტალიელი სპეციალისტი, რომელმაც გასულ სეზონს მადრიდის „რეალს" „ლა დესიმა" მოაგებინა, თანამდებობიდან გათავისუფლდა. ამის შესახებ კლუბის პრეზიდენტმა ფლორენტინო პერესმა გუშინ გამართულ პრესკონფერენციაზე, ოფიციალურად განაცხადა.

„მინდა, გაცნობოთ დირექტორთა საბჭოს გადაწყვეტილება, მადრიდის „რეალის" მთავარი მწვრთნელის კარლო ანჩელოტის თანამდებობიდან გათავისუფლების შესახებ. აღნიშნული გადაწყვეტილების მიღება ჩვენთვის მეტად რთული იყო. ახალ დამრიგებელს მოვალ კვირას შევარჩევთ", - განაცხადა პერესმა.

გავრცელებული ინფორმაციით, კარლო ანჩელოტის „ნაპოლის" ამჟამინდელი დამრიგებელი, ესპანელი რაფაელ ბენიტესი შეცვლის.