„მანჩესტერ სიტის" არგენტინელი ფორვარდი სერხიო აგუერო რომ დიდი ხანია „სამეფო" გუნდის ერთ-ერთი ფავორიტია, ეს არახალია.

მადრიდული As-ს ცნობით, მადრიდის „რეალი" „მანჩესტერ სიტის" შემტევით სერიოზულადა დაინტერესებული და მზად არიან, მანჩესტერელებს კონკრეტული წინადადებით მიმართონ -  90 მილიონი ევრო, სწორედ ეს თანხა სახელდება, რომელსაც „რეალი" „სიტის" შესთავაზებს.

მიმდინარე გათამაშებაში აგუერო 26 გოლით გამოირჩა და პრემიერ ლიგის საუკეთესო ბომბარდირის წოდებაც დაისაკუთრა.