იტალიის სერია A-ს 2014-15 წლების სეზონის გათამაშება დასრულებულია. ჩემპიონის ვინაობა კარგა ხნის წინ გაირკვა, თუმცა ბოლო ტურის მთავარი ინტრიგა მესამეადგილოსანის გამორკვევა გახლდათ.
ნამდვილი საფეხბურთო სანახაობა შედგა ნეაპოლში, სადაც ჩემპიონთა ლიგაზე გამსვლელის ვინაობა ირკვეოდა. „ნაპოლის" ლიგაზე ასპარეზობისთვის მხოლოდ მოგება სჭირდებოდა, ხოლო პიოლის გუნდს ფრეც აძლევდა ხელს. შეხვედრის პირველ ტაიმში, „ლაციო" პაროლოს და კანდრევას მიერ მსაჯის კონპესირებულ დროში გატანილი გოლებით იგებდა და ერთი შეხვედრით მატჩის ბედიც გადაწყვეტილი მოჩანდა. თუმცა მეორე ნახევარში გონსალო ჰიგუაინის 55-ე და 64-ე წუთებზე გატანილი ორი გოლით, „ნაპოლიმ" შეძლო და თამაში გაათანაბრა. მეორე ნახევრის 76-ე წუთზე ჰიგუაინმა პენალტის დარტყმის უფლება მოიპოვა, თუმცა მისი დარტყმული დიდი მანძილით აცდა მარკეტის კარს. მატჩის მიწურულს გასატანად წასული „ნაპოლი" „ლაციომ" ორჯერ კონტრშეტევაზე დაიჭირა და ონაზის და კლოზეს გოლებით ჩემპიონთა ლიგის ფლეი ოფში თამაში გაინაღდა. „ნაპოლიმ" სეზონი მე-5 პოზიციაზე დაასრულა და ევროპა ლიგაზე იასპარეზებს. ეს თამაში რაფაელ ბენიტესისთვის „აძურის" თავკაცის პოსტზე ბოლო იყო. ესპანელი „რეალის" მთავარ მწვრთნელად სულ მალე ოფიციალურად დაინიშნება.
საბოლოოდ, იტალიას მომავალ სეზონში ჩემპიონთა ლიგის ჯგუფურ ეტაპზე „იუვენტუსი"" და „რომა", ხოლო პლეიოფში „ლაციო" წარადგენს. ევროპის ლიგაზე „ფიორენტინა", „ნაპოლი" და „სამპდორია" ითამაშებენ. ქვედა ლიგაში გავარდნენ „კალიარი", „ჩეზენა" და „პარმა", ხოლო იქიდან ელიტაში „კარპი" და „ფროზინონე" აღზევდნენ. მესამე წარმატებული გუნდის ვინაობა კი ოდნავ მოგვიანებით გახდება ცნობილი.
„ნაპოლი" - „ლაციო" 2:4 (0:2)
„ნაპოლი" (4-2-3-1): ანდუხარი; მაჯო, კულიბალი, ალბიოლი, გულამი; ლოპესი, ინლერი (გაბიადინი 53); კალეხონი (ძაპატა 88), ჰამშიკი, მერტენსი (ინსინიე 77); იგუაინი
„ლაციო" (3-4-3): მარკეტი; დე ვრეი, ჯენტილეტი, მაურისიო; ბასტა, პაროლო, კატალდი (ონაზი 84), ლულიჩი; კანდრევა, ჯორჯევიჩი (კლოზე 77), ანდერსონი (ლედესმა 65)
გოლები: 0:1 პაროლო (33), 0:2 კანდრევა (45), 1:2 იგუაინი (55), 2:2 იგუაინი (64), 2:3 ონაზი (85), 2:4 კლოზე (90)
გაფრთხილება: გულამი (67, 71) - ჯორჯევიჩი (19), მაურისიო (430, პაროლო (55, 62), კანდრევა (88)
გაძევება: გულამი (71) - პაროლო (62)
