„ბარსელონას" ბულგარელი ლეგენდა ხრისტო სტოიჩკოვი მადრიდის „რეალის" გაკრიტიკების შანსს ხელიდან არ უშვებს. ამჯერად მან კომენტარი ესპანეთის თასის ფინალის შემდეგ გააკეთა.

ბულგარელმა ფეხბურთელმა თავის Twitter-ზე გამოაქვეყნა ფოტომონტაჟი, სადაც ჩანს, რომ „რეალის" ფეხბურთელები თასის ფინალს თვალს ტელევიზორით ადევნებენ და სურათს შემდეგი კომენტარი დაურთო: „უყურეთ და ისწავლეთ, როგორ უნდა მოიგოთ ფინალი. გაუმარჯოს „ბარსელონასა" და კატალონიას. 6 ივნისს ტელევიზორის ჩართვა არ დაგავიწყდეთ", - წერს საკუთარ გვერდზე ბულგარელი.