ფრანგული „ლიონის" 24 წლის ლიდერი - ალექსანდრე ლაკაზეტი, რომელიც გასული სეზონის ლიგა 1-ის ბომბარდირი გახდა, აცხადებს, რომ „ბარსას" და „რეალის" რიგებში გადაბარგების შანსს ხელიდან არ გაუშვებს, თუმცა ამ ეტაპზე ამაზე ნაკლებად ფიქრობს.

„ბარსელონა" და „რეალი" ის გუნდები არიან, რომლებსაც უარს არ ეუბნებიან. თუმცა, ამ ეტაპზე, დარჩენისა და წასვლის შანსები 50-50-ზე არ არის. შანსები ნულის ტოლია, რადგან ამ საკითხზე უბრალოდ არ ვფიქრობ. ვაპირებ, ნაკრებში თამაშით სიამოვნება მივიღო და ამ საკითხზე მოგვიანებით დავფიქრდები", - განუცხადა ლაკაზეტმა ფრანგულ Le Parisien-ს.

ალექსანდრე ლაკაზეტს „ლიონის" რიგებში ჩინებული სეზონი ჰქონდა. მან ლიგა 1-ში 31 თამაში ჩაატარა და 27 გოლის გატანა მოახერხა.