„ბარსელონას" არგენტინელი ლიდერი ლიონელ მესი ჩემპიონთა ლიგის ფინალში ახალი ბუცებით წარსდგება, რომელიც გერმანულმა სპორტულმა კომპანიამ - Adidas-მა სპეციალურად მისთვის შექმნა.

„ბუცების ახალი წყვილი მესის ნიჭს შეესაბამება. ოსტატობის მაღალ დონეს და არაკონტროლირებად ძალას სპეციალური იარაღი სჭირდება. ამიტომაც ქმნიდა Adidas-ი ბუცებს მხოლოდ ერთ ადამიანზე ფიქრით. რევოლუციური ფეხსაცმელი დიადი ფეხბურთელისთვის.

2015  წელი, ეჭვების გარეშე, ლიონელის წელია. 6 ივნისს მესი მოედანზე მეოთხე ჩემპიონთა ლიგის მოსაგებად გავა. ლიონელი ბერლინის სტადიონზე გამოჩნდება, რომ პლანეტის საუკეთესო ფეხბურთელის სტატუსი დაამტკიცოს იმ ბუცებში, რომელიც მის ოსტატობას უფრო გაალამაზებს", - ნათქვამია კომპანიის ოფიციალურ განცხადებაში.