18-წლიანი განშორების შემდეგ, თბილისის „დინამოში" ალექსანდრე იაშვილი დაბრუნდა.

შეგახსენებთ, რომ იაშვილი ქართული ფეხბურთის ფლაგმანის ღირსებას 1993-1997 წლებში იცავდა. მას „დინამოს" მაისურით 89 მატჩი აქვს ჩატარებული, რომლებშიც 84-ჯერ მოახერხა მეტოქის კარის აღება. დედაქალაქელთა მაისურით მოგებული აქვს 3 ჩემპიონატის პირველობა, 3 საქართველოს თასი და 2 სუპერთასი. 1998 წელს იგი გერმანულ „ფრაიბურგში" გადავიდა, მანამდე კი მცირე პერიოდის მანძილზე „ლიუბეკში" ასპარეზობდა.

„ფრაიბურგში" გატარებული 9-წლიანი პერიოდის შემდეგ იაშვილი „კარლსრუეს" შეუერთდა. 2012-2013 წლების სეზონი „ბოხუმში" გაატარა, საიდანაც ბაქოს „ინტერს" შეუერთდა. გასული სეზონის მეორე ნახევარში ალექსანდრე „სამტრედიას" ფერებს იცავდა და გუნდთან ერთად დავით ყიფიანის თასის ფინალში ითამაშა, სადაც თბილისის „დინამოსთან" 0:5 დამარცხდა.