„სამპდორიის" ყოფილი თავკაცი სინიშა მიხაილოვიჩი „მილანის" მთავარი მწვრთნელის პოსტს დაიკავებს. გუშინ სერბმა სპეციალისტმა მოლაპარაკებები სილვიო ბერლუსკონისთან და ადრიანო გალიანისთან გამართა და მხარეებმა შეთანხმებასაც მიაღწიეს.

დღეს 46 წლის სპეციალისტი „მილანელოზე" მივა, რის შემდეგაც ადრიანო გალიანი ოფიციალურ განცხადებას გააკეთებს მიხაილოვიჩის „როსონერის" მთავარ მწვრთნელად დანიშვნის შესახებ. მოსალოდნელია, რომ სინიშა 2-წლიან კონტრაქტს მოაწერს ხელს.

აღსანიშნავია, რომ მიხაილოვიჩმა 2009-2010 წლების სეზონში, როდესაც სიცილიის „კატანიას" წვრთნიდა, ერთ-ერთ პრესკონფერენციაზე განაცხადა, რომ „მილანს" არასდროს ჩაუდგებოდა სათავეში, ვინაიდან იგი „ინტერის" გულშემატკივრობდა.