„იუვენტუსის" ოფიციალური საიტი იტყობინება, რომ გუნდის ცენტრალური მცველი ჯორჯო კიელინი ჩემპიონთა ლიგის ფინალში მონაწილეობას ვერ მიიღებს.

იტალიელმა ფეხბურთელმა ვარჯიშის დროს, კუნთში დისკომფორტი იგრძნო. გუშინ კი, სამედიცინო შემოწმების ჩატარების შემდეგ, ცნობილი გახდა, რომ მან მარცხენა ფეხის კუნთები დაიზიანა. ასე რომ, „იუვენტუსი"  „ბარსელონასთან" გადამწყვეტ შეხვედრას დაცვის ლიდერის გარეშე შეხვდება. სავარაუდოდ, ლიგის ფინალში კიელინის ახალგამოჯანმრთელებული ბარძალი შეცვლის.