როგორც მოგეხსენებათ, 2 დღის წინ მადრიდის „რეალი" რაფაელ ბენიტესმა ჩაიბარა და პირველი სატრანსფერო გადაწყვეტილება მიიღო კიდეც - „სამეფო კლუბის" ოფიციალურ ვებ-გვერდზე გავრცელებული ინფორმაციით, ესპანურმა გრანდმა პორტუგალიურ „პორტუში" განათხოვრებული კაზემირო დაიბრუნა.

შეგახსენებთ, რომ 23 წლის ბრაზილიელი საყრდენი ნახევარმცველის პოზიციაზე თამაშობს. მან პორტუგალიის პირველობის მიმდინარე გათამაშებაში „პორტუს" მაისურით 28 მატჩი ჩაატარა, რომლებშიც 3 გოლისა და 2 შედეგიანი გადაცემის გაკეთება შეძლო.