„დაუწერელი კანონია, მთავარი არჩევნების მოგება არ არის, მთავარი მოგების შენარჩუნებაა" - ეს განცხადება ყოფილმა ომბუდსმენმა ნანა დევდარიანმა „ალიასთვის" მიცემულ ინტერვიუში გააკეთა. როგორც მან აღნიშნა, "კოჰაბიტაცია ხალხს  ყელში აქვს გაჩხერილი" - „გამოვიდა მიხეილ სააკაშვილი და თქვა, პუტინმა დღევანდელ პრემიერ-მინისტრს 2 მილიარდი გადაუხადაო.  ამაზე ვინმემ გასცა პასუხი? დგანან და გაიძახიან, ახლა რა უნდა ვუპასუხოთ, ეგ მაგისი ღირსი არ არისო. „ოცნებაში" რომ დაბნეულები არიან, ეს გარედანაც კი ეტყობათ"- ამბობს დევდარიანი.

 მისივე თქმით, „ნაციონალების" მხარეს და „ქართული ოცნების" მხარეს მყოფი იურისტები ერთმანეთის კურსელები არიან - „ესენი სტუდენობიდან მოდიან ერთად და ძალიან კარგად გრძნობენ თავს. ეს იმას ნიშნავს, ჩემი კლასელები, რომ შევკრიბო და გადავინაწილოთ ადგილები უმრავლესობაშიც და უმცირესობაშიც. ამ ქვეყანას მართავენ, კლასელები, კურსელები და ჯგუფელები!"- განაცხადა ნანა დევდარიანმა.