2011-2012 წლების სეზონში, თბილისის „დინამოს" ესპანელი სპეციალისტი ალექს გარსია თავკაცობდა, რომელმაც გუნდთან ერთად პირველივე თვეებში საკმაო წარმატებას მიაღწია და რომ არა მცირედი უიღბლობა, ქართული ფეხბურთის ფლაგმანს ევროპა ლიგის ჯგუფურ ეტაპზეც ვიხილავდით. სამწუხაროდ, მას შემდეგ გუნდში სიტუაცია თავდაყირა დადგა და „დინამოსა" და გარსიას გზები გაიყო.
ალექს გარსიას უყურადღებოდ არც 14 ივნისს, თბილისში მომხდარი კატასტროფა დაუტოვებია, რომელთან დაკავშირებითაც სოციალურ ქსელში სტატუსი გაავრცელა:
„ამ რთულ სიტუაციაში, მთელი ჩემი მხარდაჭერა და სიყვარული თბილისის ყველა მცხოვრებს", - წერს გარსია საკუთარ გვერდზე.
მიუხედავად იმისა, რომ „დინამომ" გარსიას შემდეგ რამდენიმე მწვრთნელი გამოიცვალა და საკმაო ხანიც გავიდა, ალექსი თბილისში გატარებულ დროს მუდამ თბილად იხსენებს და მომავალში დაბრუნებასაც იმედოვნებს.
