ბაქოში მიმდინარე პირველ ევროპულ თამაშებზე საქართველოს თავისუფალი სტილით მოჭიდავეთა ნაკრების წევრი ვლადიმერ ხინჩეგაშვილი, 57 კგ წონით კატეგორიაში მიმდინარე ნახევარფინალურ შეხვედრაში ბელარუს ვლადისლავ ანდრეევს დაუპირისპირდა.

როდესაც ქართველი 1:2 მარცხდებოდა, მოჭიდავეებს ნერვებმა უმტყუნა და ჩხუბი დაიწყეს. ანდრეევმა ვლადიმერს სილა გააწნა, რაც ქართველს უპასუხოდ არ დაუტოვებია. შეხვედრის არბიტრებმა მოჭიდავეები ხალიჩიდან გააძევეს და ორივეს წაგება ჩაუთვალეს.

ხინჩეგაშვილსა და ანდრეევს დისკვალიფიკაცია  მიესაჯათ, ნახევარფინალში კი ის სპორტსმენები იჭიდავებენ, რომლებიც 1/4 -ფინალში დამარცხდნენ.