biletebi.ge-ს ტექნიკური დირექტორის გიორგი ჩხიკვიშვილის განცხადებით, უეფას სუპერთასის ბილეთების შეძენას საიტზე უცხოეთიდან შესული მომხმარებლები ვეღარ შეძლებენ. ჩხიკვიშვილმა ტელეკომპანია „იმედის" ჟურნალისტთან საუბრისას განმარტა, რომ სუპერთასის ბილეთების გაყიდვის შეფერხების მიზეზები და აღნიშნა, რომ სისტემაზე მოხდა ძალიან დიდი დატვირთვა.
„საიტს მოაწყდა ძალიან ბევრი ხალხი. ამჟამად მიმდინარეობს სისტემის სერიოზული განახლება, ემატება სერვერები, აპარატურა და ჩვენ ვფიქრობთ, რომ საღამოსკენ სიტუაცია უნდა გამოსწორდეს. ჩვენ გვქონდა გათვლა, რომ რამდენიმე ათეულით გაიზრდებოდა მოთხოვნა, მაგრამ ნამდვილად გადააჭარბა ყოველგვარ მოლოდინს, იმიტომ, რომ უპრეცედენტოდ ბევრი იყო უცხოეთიდან შემოსული. ამჟამად ჩვენ ჩავხსენით ეს არხი და მარტო ქართველი მომხმარებელი შეძლებს ბილეთების შეძენას.
რაც შეეხება ლატარიის პრინციპით გაყიდვას - ეს ნიშნავს იმას, რომ საიტი ერთდროულად შესყიდვის უფლებით უშვებს გარკვეულ ჯგუფს, რამდენიმე ასეულ ადამიანს, შემდეგ, როგორც კი რომელიმე ამ ადამიანებისგან იყიდის ბილეთს, ადგილი გათავისუფლდება და ლატარიის პრინციპით ხდება შერჩევა შემდეგი მომხმარებლის, რომელიც არის რიგში", -აღნიშნა ჩხიკვიშვილმა.
