რამდენიმე წუთის წინ, შვეიცარიის ქალაქ ნიონში დასრულდა „უეფა"-ს ევროპა ლიგის 2015/2016 წლების გათამაშების საკვალიფიკაციო ეტაპის წილისყრა. საქართველოს ეროვნული ჩემპიონატის უმაღლესი ლიგის 2014/2015 წლების გათამაშების მეოთხეადგილოსანი „ცხინვალი" რუმინულ „ბოტოშანს" დაუპირისპირდება.

კახა კაჭარავას შეგირდებს საკმაოდ ძლიერი მეტოქე შეხვდათ, რომელმაც რუმინეთის ლიგა 1-ის წლევანდელ გათამაშებაში 47 ქულით მერვე ადგილი დაიკავა, თუმცა ევროპა ლიგის პირველ საკვალიფიკაციო ეტაპზე თამაშის უფლება მოიპოვა.

რუმინული კლუბი საკმაოდ ახალგაზრდაა. იგი 2001 წელს შეიქმნა და მხოლოდ 14-წლიან ისტორიას ითვლის. ამ დროის მანძილზე, წელს მათ საუკეთესო შედეგი აჩვენეს და ევროსარბიელზე ასპარეზობის უფლებაც მოიპოვეს.

„ცხინვალს" ამ ბარიერის გადალახვა ძალიან გაუჭირდება, თუმცა „ბოტოშანი" ნამდვილად არ წარმოადგენს დაუმარცხებელ ძალას და თუ კაჭარავას შეგირდები ისეთივე აფეთქებებით გამოირჩევიან, როგორც უკანასკნელ პერიოდში თამაშობდნენ, რუმინელთა დაძლევასაც მოახერხებენ.

ევროპა ლიგის პირველი საკვალიფიკაციო ეტაპის მატჩები 2 და 9 ივლისს გაიმართება.